Mesfushori i KF Hysit, Mentor Zhdrella, ka filluar te “bombardohet” nga ofertat, edhe pse afati kalimtar nuk fillon edhe dy muaj. Kete lajm e ka bere te ditur vete mesfushori i talentuar, i cili nuk ka dashur te flase rreth emrave te skuadrave.

“Kam shume oferta nga skuadrat e Superliges, por edhe nga jashte. Tash per tash nuk kisha preferuar te flas rreth emrave te skuadrave, pasi jam i perqendruar te takimi i radhes kunder Ferizajt”, ka thene Mentor Zhdrella, i cili shpreson ta perserise formen e mire edhe ne stinorin pranveror.

“Nuk e di ku do te jam ne pranvere, por besoj qe do te vazhdoj te tregoj lojera te mira ashtu si po tregoj ne kete stinor”, ka thene ai.

Skuadra nga Merdara, qe renditet ne poziten e pare me dy pike me shume se Trepca, takimin e radhes e zhvillon si mysafire e Ferizajt. Mesfushori Zhdrella eshte shume optimist se skuadra e tij do t’i marre tri pike, qe e mbajne skuadren e Luan Prekazit ne poziten e liderit.

“Jam optimist per takimin kunder Ferizajt. Besoj se do t’i marrim tri pike dhe ta mbyllim stinorin vjeshtor si kampion”, ka shtuar mesfushori i perfaqesueses se Kosoves ne Futboll.

Mentor Zhdrella para se te kaloje ne skuadren e Hysit ishte pjese e 2 Korrikut. Ai ka treguar performance te jashtezakonshme me fanellen e skuadres nga Merdara, dhe eshte shnderruar ne lojtarin kryesor te kesaj skuadre.

Veton Zymberi