Trajneri i Shkumbinit Perparim Daiu, megjithe humbjen qe skuadra e tij pesoi ne kete takim, e vleresoi lojen dhe gjendjen e ekipit te tij, sidomos ne pjesen e dyte, por per mendimin e tij, faullet dhe ndalesat e lojes nga gjyqtari kryesor ndikuan ne monotonine e zhvillimit te takimit. “Ishte nje loje nen nivelin mesatar nga te dyja skuadrat. Portat respektive rrezikoheshin vetem nga goditjet standarte te cilat ishin te pakta. Skuadra ime ne pjesen e dyte ka qene me superiore se ekipi durrsak, por nje faktor gjithnje e me ndikues ne rrjedhen e lojes po behen gjyqtaret. Ne perballjen me Teuten, Taullau ka qene determinant me ndalesimin e lojes me faulla te paqena. Sulmuesit tane nuk arriten te konkretizojne ato pak raste qe krijuan, pasi kjo eshte dhe skuadra ne tërësi, po humbe ritmin, humb edhe stabilitetin. Duhet te bejme perforcime ne periudhen e levizjeve te Janarit per tu fuqizuar ne disa pozicione ne menyre qe skuadra te arrije objektivat”, cilesoi Daiu pas ndeshjes.

Altin Ngjela