Valmir Nafiu eshte ne prove tek gjermanet e Hamburg SV, ky lajm eshte publikuar ne faqen zyrtare te klubit.

Ai është talent shqiptar nga Tetova që më pare ka luajtur me Shkëndijën dhe i cili ka qene i përfshirë në formacionin e Baselit në ndeshjet eliminatore të Ligës së kampionëve. Aktualisht 18-vjeçari është pjesë edhe e Kombëtares U-19 të Maqedonisë në futboll.

“Ai është një lojtar shumë i talentuar, i cili mund t’i luaj të gjitha rolet në repartin e sulmit”, ka thënë trajneri Fink për faqen e Hamburgut.

Në ditët e ardhshme do të vendoset nëse do të nënshkruhet ndonjë bashkëpunim midis klubit dhe lojtarit.