Mesfushori shqiptar i Fulhamit, Pajtim Kasami, mund t’i bashkohet Valon Behramit e Blerim Xhemailit te skuadra e Napolit, njoftoi të shtunën ‘Sky Sport24’.

Klubi i Napolit mund të marrë dy mesfushorët zviceran, Pajtim Kasamin dhe Izet Hajroviqin.

Napoli ka shprehur interesim për të dy lojtarët dhe është e mundshme që njëri prej tyre të transferohet në janar, pasi menaxheri Mino Raiola është duke punuar për një gjë të tillë, njofton ‘Sky Sport24’.

Kasami 20-vjeçar me Fulhamin ka kontratë deri në qershor të vitit 2015.

Ai edhe më herët ka shprehur dëshirën për tu larguar nga klubi anglez, pasi nuk arriti të stabilizohet te kjo skuadër. Këtë edicion në Premier League të Anglisë ka regjistruar vetëm dy paraqitje. Kasami luan për U-21 të Zvicrës.