Kryendeshja e kësaj fundjave ndërmjet Flamurtarit dhe Trepçës, ka përfunduar baras 1:1, të dielën në “Xhemail Ibishi” të Prishtinës. Flamurtari dhe Trepça, janë ballafaquar në kuadër të Javës së 20-të të Raiffeisen Superliga e Kosovës në Futboll.

Pavarësisht se kjo ndeshje përfundoj pa fitues, megjithatë më lojën që shfaqen të dy skuadrat arsyetuan epitetin e ndeshjes derbi duke kënaqur mbi 500 shikues sa ishin të pranishëm në këtë përballje joshëse.

“Kuqezinjtë” e Prishtinës, u treguan dominues në pjesën e parë të lojës, duke krijuar disa raste të mira shënimi si dhe ia dolën që të prekin një herë portën mysafire. Vendësit rrezikuan portën e “xehetarëve”, nëpërmjet Jetullahut (6), Dervishit (17) dhe Gjonbalajt (22). Ndërkaq gëzimi i Flamurtarit, vjen në minutën 25-të, kur pas një gabimi të portierit Pertinac, përfiton më se shumti Jetullahu, i cili më goditje precize sjell ekipin e tij në epërsi prej 1:0. Nikoqirët kanë mundur të shënojnë edhe në minutën e 33 dhe 45, por që Mehmeti dhe Gashi, nuk ishin precize në gjuajtjet e tyre.

Në fraksionin e dytë ishin mysafirët nga Mitrovica, që kërkon më ngulm golin e barazimit. Pas disa gjysmeraste ta pa konkretizuar, ishte rezervisti Florent Azizi (77), i cili barazon rezultatin pas asistimit të Sermaxhajt. Ky gol bëri që futbollistët e të dy skuadrave të kërkojnë edhe golin e dytë duke krijuara raste të mira shënimi, por pa sukses, veçmas raste të mirë kishte sulmuesi i vendësve, Artan Gashi (81), i cili qëllon shtyllën pingule. 

Deklaruan pas lojës:

Jusuf Tortoshi, trajner i Flamurtarit: “Dominuam në pjesën e parë të lojës, ku edhe shënuam një gol. Mendoj se merituam fitoren në këtë ndeshjes. Angazhimi i futbollistëve ishte në nivelin e duhur”.

Nazmi Rama, trajner i Trepçës: “Vet fakti se ky takim ishte derbi i javës, kjo ka bërë që kjo ndeshje të jetë e ngarkuar psiqikisht për të dy skuadrat. Jam i kënaqur që ia dolëm të shkëpusim një pikë, megjithëse kemi mundure ta fitojmë ndeshjen. Ky rezultat është epilog real i ndeshjes”. 

Flamurtari - Trepça 1:1
Stadiumi i Flamurtarit
Shikues: Mbi 500
Kartona te verdhe: F. Humolli, Sejdiu, Mehmeti, Bajgora / Sahiti, Ismaili, Doçi, Baliqi
FLAMURTARI: Burim Fejza, Desaert Dervishi, Miliam Humolli ( Faton Ceceliaj), Alban Ukzmalaj, Florim Humolli (Shemsi Osmani), Qendrim  Sejdiu (Pren Marniku), Malsor Gjonbalaj, Alban Mehmeti, Artan Gashi, Labinot Jetullahu, Valon Bajgora.
TREPÇA: Suad Pertinac, Visar Sermaxhaj, Fitim Llapashtica, Samir Sahiti, Arben Zhjeqi, Nuriman Ismaili (Florent Aziri), Florent Sejdiu (Afrim Mziu), Bardhyl Kaçiu, Patrik Doçi, Berat Hyseni (Elvis Osmani), Emin Baliqi.   


Fatmir Bytyçi