Shqipëria do te përballet sonte ne mbrëmje, ne “Suissport Arena” te Lucernes, ne takimin e dyte eliminator te botërorit, ndaj Zvicrës, ne një përballje qe brenda ka vështirësinë, emocionin, ndërsa ndjenjat nacionaliste kane dale ne pah me shume se kurrë.

Komuniteti shqiptar, i dyti për nga madhësia, ne Zvicër ka pritur me entuziazëm kuqezinjtë qe ne aeroport ndërsa ne stadium përkundër mediave vendase qe deklarojnë se do jene 6 mije shqiptare, presidenti i Federatës Shqiptare te Futbollit, Armand Duka, ka deklaruar se pritet te jete një numër me i madh.

Dueli i sotëm Zvicër-Shqipëri cilësohet ndryshe dhe derbi i Shqipërisë. Kosova papritur ka marre një rol kryesor edhe ne këtë ndeshje, si furnizuesja me e madhe e dy ekipeve, me plot 9 lojtare ne fushe nga te cilët 3 ne kampin kundërshtar: Xhaka, Behrami, Shaqiri. Por përkundër emocioneve, flamujt e shumte kuqezi, himni kombëtar, nga tifozeria pritet një rezultat pozitiv ne këtë takim te dyte eliminator për te përsëritur suksesin e Qipros.