Menjehere sapo eshte kthyer me kombetaren e 17-vjecareve trajneri Xhemal Mustedanagic ka folur per suksesin historik te arritur Estoni dhe objektivin per “Elite Round”.  Ndeshjet e ketij raundi do te luhen ne pranvere dhe deri atehere 17-vjecaret qe bene kualifikimin historik do te kene mundesi te pergatiten. “Qellimi yne ishte te arrinim nje nga 2 vendet e para, dhe kete e arritem. i motivoja lojtaret e mi duke i thene se do te hynin ne histori nese ja dilnin. Jam i kenaqur nga paraqitja e tyre  dhe tani kemi plane te tjera e te medha per te ardhmen. Ne kete brez ka lojtare qe do te jene pjese e kombetares A, por me ta duhet te punojne akoma me shume. Ky eshte nje proces i gjate, por gjithsesi duhet  te punohet shume per te marre frytet me pas. Persa i perket raundit te ardhshem, synojme vendin e pare, pozicionin e vetem qe te kualifikon ne “Elite Round”, ka deklaruar Mustedanagic.