Apolonia ka mundur pa shume veshtiresi Dinamon ne stadiumin “Loni Papuciu”. Skuadra nga kryeqyteti po kalon ndoshta momentin e saj me te veshtire ne histori dhe ata lojtare qe u afruan ne minutat e fundit nuk kane pasur se cfare te bejne me shume nga sa bene ne kete ndeshje.

Fieraket e kane shfrytezuar si mos me mire kete moment dhe kane qene superiore ndaj bluve gjate gjithe 90 minutave.

Apolonia ka shfrytezuar me se miri gjendjen kaotike te Dinamos dhe ka filluar sezonin me nje fitore te paster 2-0 ne "Loni Papuciu" perpara tifozeve te saj. Ata kane gjetur shume shpejt golin me lojtarin e ardhur kesaj vere nga Gjermania, Renaldo Rama. Sulmuesi 21 vjecar, ish-lojtar i Koblenz, ka shenuar ne minuten e 8-te, duke debutuar me se miri ne kampionatin shqiptar. Rama fitoi nje duel shpejtesi me Maringlen Kapaj dhe mposhti portierin e bluve me nje gjuajtje te sakte.
Edhe pas golit Dinamo e Faruk Sejdinit nuk ka pasur force te reagoje. Ne pjesen e dyte Gerxho ka dyfishuar rezultatin ne minuten e 61-te dhe prere perfundimisht shpresat e kryeqytasve.  Pak para se te mbaronte krejt takimi Daja ka marre kartonin e dyte te verdhe dhe la Dinamon me nje lojtar me pak.

Apolonia i eshte gezuar tre pikeve te para dhe fillimit te mire qe i beri kete vit kampionatit.