Ne stadiumin "Gjergji Kyçyku" u luajt ndeshja Pogradeci-Dinamo, e vlefshme per Javen e 4-t te Kategorise Superiore 2011-12. Ky takim perfundoi me rezultatin minimal 1-0 ne favor te vendasve.  Ndeshja u karakterizua nga loje pergjithesisht e barabarte dhe me raste shenimi per te dyja skuadrat, por vendasit u treguan me konkrete ne fundin e lojes, duke shenuar golin qe u dhuroi fitoren.

Gjate pjeses se pare te dyja skuadrat kishin disa mundesi te mira shenimi por dy portieret, Hoxha dhe Osmani arriten te ruajne te paprekura portat e tyre.
E njejta loje, e vaket e me pak raste u zhvillua edhe ne pjesen e dyte dhe u duk sikur ndeshja do te mbyllej ne barazim. Vendasit u treguan te sakte ne minuten e 87-te duke goditur blute e Sejdinit me nje gol te korcarit Jorgo Cipi. Megjithe 3 minutat e tjera te kohes se rregullt dhe 4 minutat shtese akorduar nga arbitri, ndeshja perfundon me fitoren e ngushte te skuadres liqenore.

Me kete fitore Pogradeci u ngjit ne kuoten e gjashte pikeve ndersa Dinamo mbetet e fundit me vetem nje pike dhe tani eshte e rrezikuara kryesore.