HOT NEWS
E premte, 29 Mars 2024
  • Superliga
  • Kategoria 1
  • Kosova
Disiplina/ Tomorri dhe Vllaznia te ndeshkuarit e pare te Superliges
nga AlbaniaSoccer   E enjte, 30 Gusht 2012 07:24   pdfShtypEmail

dhuna-stadiumTomorri i Beratit do të duhet të luajë 4 ndeshje në fushën e tij, por pa praninë e tifozëve. Kjo, pas vendimit të Komisionit të Disiplinës në Federatën Shqiptare të Futbollit (FSHF) dhe ndëshkimi erdhi për shkak të sendeve të forta që u hodhën në fushë nga tifozët në ndeshjen ndaj Tiranës.
Gjithçka ndodhi në minutat e fundit të takimit, kur gjakrat u nxehën pasi edhe futbollistët u acaruan me njëri-tjetrin në fushën e stadiumit. Një nga protagonistët e sherrit ishte futbollisti i Tiranës, Renaldo Kalari, i cili u pezullua për 5-ndeshje për shkak të kësaj sjelljeje. Tirana e kishte pezulluar për 4-takime lojtarin e saj për këtë arsye. Bardheblut fituan në Berat 1-0 me golin e shënuar me penallti nga Klodian Duro në pjesën e parë.

Një dënim, veçse më i lehtë, për Vllazninë e Shkodrës. Klubi shkodran u dënua që ekipi i tij ta luajë një ndeshje pa spektatorë në stadiumin “Loro Boriçi”. Kjo për shkak të hedhjes së sendeve të forta në fushë nga një pjesë e tifozëve, gjë që solli edhe ndërprerje të përkohëshme të ndeshjes ndaj Skënderbeut. Skuadra korçare e fitoi atë ndeshje me rezultatin 3-1, ndërsa këto përballje ishin të gjitha të vlefshme për javën e parë të Superligës.


busy
komente
 

Lajmet e Fundit

    Lajmet me te lexuara

      Komentet e fundit