Durrsakët e drejtuar nga Gugash Magani nuk ecin dot më tej në Ligën e Evropës. Ata janë përmbysur në ndeshjen e kthimit në Kishiniev ndaj Dacias, duke u mundur me rezultatin 2-0. Nga një gol në secilën pjesë kanë pësuar “Djemtë e detit”, aq sa për t’i thënë lamtumirë këtij kompeticioni për këtë edicion. Goli i shënuar në fushë kundërshtare, para një jave, i ka përparuar në turin tjetër moldavët, sepse rezultati total i dy ndeshjeve ka qenë 3-3. Tifozët durrsakë pas ndeshjes kanë akuzuar skuadrën dhe drejtuesit se e kanë trukuar takimin dh se kanë aktruar në fushë përgjatë gjithë ndeshjes në mënyrë të turpshme.